94.7 (2010)

Wel, na nog 'n 94.7, wat blykbaar 97.4km was, het Herman darem 'n beter tyd opgestel as laas. Die mikpunt was onder 4uur, per bergfiets, sonder cleats. Moet se^ die Continental SportContacts (1.3 wyd) het 'n baie groot verskil op die ou blou Meridatjie gemaak...

Let op die kleiner foto - dit is die wenner wat net so aks meer as 2:00 gery het... Die tye is dan:

1. Nicholas White 02:15:06 42.06km/uur
2. Arran Brown +39 sekondes
3. Herman le Roux +5416.7 sekondes

Statistiek volgens Le Roux se Sertifikaat:

Race Number 15734

Time 03:45:22.7

Overall Position 5681/15667

Position in Gender Category 4849/12137
Start Group DD
Position in Start Group 30/321
Age Group M 35-39
Position in Age Group 908/2025
Average Speed 25.93km/uur

...en volgens sy padrekenaartjie wat ietwat uit was (101.2km), aangepas:
1) Afstand (oorspronklik) 101.2km, aangepas 97.4km
2) Tyd 03:43:14
3) Maksimum spoed (oorspronklik) 74.4km/uur, 71.606km/uur aangepas
4) Gemiddelde spoed (oorspronklik) 26.17865613km/uur, aangepas

Nou is die volgende lang ren die 2011 Argus....

Vir nog fotos kyk gerys na my Picasa Web Album:

2010 94.7 ClassicFM Cycle Challenge

MTN Cullinan XCM #5 28 Augustus 2010 (MTB)

Ek, Fanus, Reuben en Pieter het Saterdagoggend die 45km MTN Cullinan XCM #5 gery. Dit was 'n heel lekker roete met geen moeilike, steil bulte nie. Die ergste was 'n paar diksand stukke, maar mens kon darem daardeur.

Herman se fietsrekenaartjie
Afstand 44.49km
Tyd 2:29:08
Gemiddelde spoed 17.89 km/uur
Maksimum spoed 40.80 km.uur

Herman se Amptelike tyd
Afstand posisie 136/323 (826 ingeskryf)
Kategorie 37/?  (Het in Groep G weggespring)
Manne 121/?
Tyd 2:30:47

Gemiddelde spoed 15.92 km/uur (Groot verskille - ek dink hulle het 40km gewerk en nie 45km nie...)

Voriberg 2010

Het vanoggend Voriberg gery. Dit was 'n heel lekker roete, met vrek baie draatjies en sand....

Mabalingwe Lionman 2010

Herman en Neels het die Wimpyklub by die 2010 (10e) Mabalingwe Lionman verteenwoordig. Dit was Neels se eerste volwaardige MTB ren.

Beide Herman en Neels het die 35km roete gedoen. Herman se amptelike tye:

P_All 167 / 883
P_Cat 32
P_Sex 145
Time 01:53:30
Race # 975
Avg Speed 18.5

Daar was 1600 inskrywings vir die 80 en 35km afstande tesame.

Volgens Herman se fietsrekenaar:

Afstand 35.87km
Tyd 01h52m41
Gemiddelde spoed 19.1 km/uur
Maksimum spoed 38.99 km/uur

Neels se resultate is nog nie op SpectrumSport nie.

Albei het die ren baie geniet, en geen tegniese of ander probleme gehad nie. Herman het by een geleentheid op 'n skerp enkelspoordraai vir so 4 tree langs sy fiets gehardloop, en met 'n sierlike sprong weer terug op die saal geland, sonder om enigsins spoed te verloor. Dit was tot verbasing en toejuiging van die drie ander fietsers agter hom!

Hierdie ren is hoogs aan te beveel, dit is relatief maklik, al is daar vrek baie sand....

Spanfoto van 94.7 2009

Hierdie twee fotos het ek uiteindelik opgespoor nadat Freddie my vertel het (Op die Argus trein), dit was op sy foto lys.... Dit was aan die einde van die 94.7 2009 geneem deur die amptelike fotograaf. Moet se^ ons lyk nog heel vars!

Sentech

Ek het gou vanoggend die Sentech torings gaan aandurf....My tyd was darem beter as die vorige keer.

'n Foto of twee om darem te bewys ek was daar. Die eerste is na die Suide en die tweede na die Noorde. Dit was baie mooi mistig en lekker koel om te ry.

So paar fotos

So paar fotos wat ek met my fiets selfoon geneem het... Die kwaliteit is maar power, maar dis met een van die R199 specials Nokias geneem.

Hierdie is die bokant van die Braaksbult wat ek altyd in my Twitter/Friendfeed logs na verwys. Ek dink dit is Wilhelm wat so aangery kom met sy Oranje trui.

Die volgende drie fotos is waar ek en Francois die voetslaanpad van die R80 na die Sentech torings toe aangedurf het.... Ons moes maar redelik fiets dra hier en daar, maar dit was die moeite werd.

Die volgende paar fotos is almal van die Argus trein. Daar is ook 'n foto of twee waar ek wag dat my groep wegspring - ek het maar lekker koud gekry...

Die gemaklike kompartement met Francois en Neels in hul Gucci Somerversameling uitrustings.

Ek wat 'n self-potret poog...

Van die eerste mooi Kaapse tonele by die venster uit....

Chaos opsoek na ons wegspringbokse....

Die wind het blykbaar so 55 km/uur gewaai hierdie slag.

Ek wat stres en koudkry. Die amptelike fotograaf het my darem beter gevang... hier probeer ek darem 'n glimlag.

Kimberley se stasie is nog netjies en mooi. Die meeste ander is sleg vervalle.

Argus 2010

Resultate vir die Cape Argus Pick 'n Pay Cycle Tour 2010:

1. Malcolm Lange (2.39.55) - Algehele wenner
2. Christoff van Heerden
3. Daryl Impey
4. Burry Stander
5. Rene Haselbacher
6. Dean Edwards
7. Bjorn Glasner
8. Johan Rabie
9. Lance Armstrong (+6 sec)
10. Nic White (+24 sec)
11. Guillaume Olivier (+4419 sec)
12. Neels (+7072 sec)
13. Francois Stander (+7730 sec)
14. Herman le Roux (+8144 sec)
15. Freddie Els (+11482 sec)

Amptelike tye vir die posisies 11 tot 15 (Tyd, Algehele Posisie, Posisie Mans, Posisie Ouderdom, Wegspring Groep, Groep Posisie):

• Guillaume 03:53:34  4538/28817  4131/22533  745/3322  H  351/487
• Neels 04:37:47  11608/28817  10123/22533  432/1162  Z  230/518
• Francois 04:48:45  13327/28817  11515/22533  1442/2718  WW  52/572
• Herman 04:55:39  14392/28817  12334/22533  1853/3071  DD  325/565
• Freddie 05:51:17  21603/28817  17751/22533  2481/3071  OH  160/413

Volgens Herman se fietsrekenaar:
Afstand 109.14 km
Maksimum spoed 62.2 km/uur
Gemiddelde spoed 22.2 km/uur
Tyd 4h54m21

Dit is hoogs aan te beveel om die Shosholoza Meyl Argus Trein te gebruik. Mens spring 9h00 op Johannesburgstasie weg die Donderoggendoggend en is dan so teen middagete die Vrydag reg langs die sentrum waar die Argus registrasies plaasvind. Die trein bly ook op die stasie, en mens kan dus vir die prys van R2000 op die trein bly as jy so verkies. Die etes op die trein is baie billik - party biere kos selfs minder as R10 - en die kos is heel aanvaarbaar. Goeters soos hamburgers, skyfies en Coke is R35-00. Kerrie en pap of rys is omtrent R40-00. Die brekvis is goed, met sap en koffie teen R35-00. Jy kan natuurlik al jou eie drink en eetgoed ook saamvat, en selfs so iets soos 'n ketel as jy jou eie tee en koffie wil maak. Daar was ook 'n kroegkar, egter onbemand, maar waar mens lekker kan sit en kuier. 240V kragpunte is slegs in die kroeg en eetkarre beskikbaar. Ek sal beslis weer van die trein gebruik maak - dit is baie minder stresvol as om af te ry, en mens kan lekker oppad terug herstel. Die beste is seker dan ook om op Krugersdorp se stasie op en af te klim, eerder as Johannesburg middestad. 

Die Argus is beslis 'n rit wat mens ten minste een of twee keer in jou lewe moet doen - hierdie jaar was die wind gelukkig nie so erg as verlede jaar se 100 km/uur-plus winde nie - blykbaar was die piek so teen 55 km/uur. Dit is egter maar die eerste 40 tot 50 km wat die wind pla - waar mens by Smitswinkel terugdraai Noordhoek se kant toe, is dit baie lekker met so sterk wind in die blaaie. Dis eers weer net na Suikerbos wat dit weer hier-en-daar pla, maar glad nie so erg as met die eerste deel nie. Chapman's Peak was maar 'n lang opdraande, Boyes draaif nie so erg nie, en Suikerbos het maar so bietjie byt, grotendeels omdat dit eers omtrent op 80k gebeur. Die stuk huistoe voel langerig, maar is heel lekker. Net jammer die wind het baie van die ondersteuners weggehou - ons het darem hier en daar, veral by Houtbaai 'n paar baie gesonde dames gesien, in klein swemmies.....

As ek kan, gaan ek beslis volgende jaar weer ry, maar nou is die volgende groot padren Bakwena en 94.7.

Volgende jaar hoop ek meer van die Wimpy Klub en ander ouens gaan saam Argus toe met die trein...

Hier staan ek in my wegspringboks - dit was nogals koud met die wind so saam.

Argus.... hier kom ons!

Wel-wel, dis amper Argus en die vier van ons - Herman, Francois, Neels & Freddie - raak al meer bewys van die 110km wat voorle. Daar is op hierdie stadium niks meer wat ons kan doen nie... So paar baie interessante feite oor die Argus:

Silly Cycle Tour factoids

For Cape Town, the Cape Argus Pick ‘n’ Pay Cycle Tour is one of the biggest shows on the annual calendar. If you’re riding it, you might be reassured to know you’re not the youngest, oldest, fattest, fittest, most famous, or oddest person to have done so. You’ll be fine!

• Youngest person ever to have ridden: Bradley Pickering Dunn rode the Cycle Tour on the back of his father’s tandem at the age of four, in 1988.
• Oldest person ever to have ridden: Japie Malan, born in on July 15 1919, finished the 2007 Cycle Tour in a time of 05:48:18. That puts him just a few months short of his 88th birthday at the time
• Hottest temps recorded: 41 deg C in 2002, when the race was stopped due to a real threat of dehydration and heatstroke. Considering the temperamental Cape weather, it is surprising that the Cycle Tour has only had to be stopped one other time: last year (2009), eventually, though only after many cyclists had completed it. The tour was later dubbed the “Tour of Storms”, due to thunderous winds of over 100km/h which pushed cyclists over, some even before they’d started out.
• If you walked the route at 7km/h, it would take about 15 hours 45 minutes.
• If you drove the route in a car, at the speed limit: A normal vehicle with average traffic conditions would be hard pressed to get around in under 2 hours 45 minutes. So the lead cyclists are probably a bit faster than a car would be.
• Greatest number or participants: Entries have grown steadily over the years, topping 2,000 in 1983, 3,000 in 1985 and then leaping to over 15,000 in 1991. The 20th Cycle Tour - in 1997 - attracted 30,000 riders, and since then entries have never dropped below the 30,000 mark. The greatest number of finishers was in 2004 – the year the Cycle Tour route returned to Chappies – when 31,219 cyclists completed the race.
• Number of watering holes: 20
• Liquid down cyclists’ throats: 50,000L of Powerade, 160,000L of Coca-Cola and 100,000L of water. For that, 50,000 kg of ice and at least 450,000 paper cups are used.
• Medical support: on race day, 25 doctors and 300 physios man the route. They treat about 1,000 cases on the day: roughly 600 cyclists en route and the remaining 400 at the finish line. Before the race, there is also support: Medi-Clinic screened over 4,000 cyclists for undiscovered risk factors at the Cape Argus Lifecycle Expo in 2009. They performed cholesterol, blood glucose and blood pressure tests. At the 2010 Cape Argus Lifecycle Expo they aim to test 5000 cyclists.

(Heather Parker, Health24, March 2010)
Source: Cape Argus Pick ‘n’ Pay Cycle Tour

Sabie Classic 2010

Herman, Francois, Fanus, Freddie, Reuben en nog so paar ander het die Sabie Classic 40km aangedurf verlede naweek. Dit was voorwaar 'n uitnemende ren, goed georganiseerd, asemrowende uitsigte, en lekker glad en modderig. Dit opdraandes was uitdagend, en so een of twee moes mens maar stap, want te veel ander ryers het voor 'n mens gestap....

Die totale klim is volgens die profielkaart 820m vir die 40km en die wentyd was 01:36:36 

Herman

Amptelike tyd: 03:02:30 en gemiddelde spoed: 13.15 km/uur.
Volgens fiets rekenaartjie: 02:58:35
Afstand: 40.69km
Gemiddelde spoed: 13.67 km/uur - sies dis stadig!
Maksimum spoed: 44.06 km/uur
Rang: 501 / 1138

Francois
Amptelike tyd: 03:22:48

Fanus
Amptelike tyd: 03:27:47

Hier is Herman (links) en Francois, nog mooi skoon en gereed voor die ren...

Die Le Roux's en die Standers het sommer by Castle Rock vir die naweek gekamp.

Kyk ook gerus na Zoon Cronje se facebook fotos vir 'n paar mooi fotos. Sien een hier onderaan:

Fietskuns

Avontuur MTB

Ek en Francois het vanoggend tot by die R80 op die Bakwena saam met Freddie, Willem en Wilhelm getrap. Vandaar het ons om na Suiderberg op die R80 gery, en na die water reservoir toe opgery. Hier moes ons fietse met 'n klein klipperige stroompi opdra tot bo-op die berg. Vandaar het ons tot by die Sentech stasie gery. Dit was so 25% fiets dra, 25% fiets stoot en seker darem 50% fiets ry, met kwaai tegniese stukke. Dit was absoluut die moeite werd. Van die Sentech stasie het ons tot onder gery met die plaveipad, omdegraa en weer to amper bo uitgetrap. Met nog 'n vinnige af, via Mayville Mall, het ons oor die Wonderboomnek gery, met Marija terug tot in Braam Pretorius huistoe. Ek het 5h40 by die huis weggespring, en was eers 9h30 terug. My fiets rekenaartjie het 2h55m en 52km gewys - dit was sonder 'n koffiestop...

Ek het met die Merida gery, darem met knobblies op!


View Fietsry in a larger map

Kerkbulte-Wonderboomnek-BreyerLaan-East Lynne-Kameeldrift-Molotopad

Gister het ek en Francois so lekker 38km roetetjie gedoen teen net so onder 2 ure. Ek het oppad huis toe, op die Molotopad skouer my heel misgis met 'n ou klein slootjie oor die anders gladde grondpad....nou ja, daar het ek goed kennis gemaak met die grond, maar darem nie beserings opgedoen nie. Vandag so bietjie styf maar anders goed....nou ja, na soveel jare is dit my eerste behoorlike val - die ander was net onbeplande afklimme gewees.

The Fastone

The Fast One tye:

Neels                04h04.14 Dit is nadat hy 40min spandeer het om 'n gebarste buiteband reg te maak. Sy aangepaste tyd is 03h24

Francois            03h32.31

Freddie             03h51.07

Goed so manne, ek sal moet byhou lyk dit my met die Argus! Ek is in uitgelese geselsskap...

56km na sel sosiaal

Ek en Francois het so 56km gedoen (2h50m) van ons huise na tussen-i-bome, maar via die Wonderboomlughawe en Ludwigs rose. Dit is 'n goeie oefenroete vir die Argus, maar dalk met te min bulte...

View Fietsry in a larger map